يحيى العلاق /قصيدة : عفوا سيدي
يحل عشره محرم والفلك يندار
وشوف الدنيه تحزن تنگلب حمره
تحد حتى الشمس تلبس اثياب الليل
تركض للكسوف اوراسهه اتطبره
ويهب الشمالي اوتلطم الاشجار
احس موكب يصير العالم اباسره
الغيمه علم والنجم سماعات
واهجس (مله باسم) علگمر يقره
ولزوار ابد ماشوفهم زوار
جنهه ادموع تجري ابوجنة الحضره
دمعنه امنلجفن مو مثل دمع احسين
غمض جفن عينه اويبجي من نحره
اولطمنه اعلى الصدر مو مثل لطم احسين
ينزف ولحوافر تلطم ابصدره
اوصفه هوه النهر وبصف نهر مطروح
روه الدنيه ابكبرهه اوماشرب گطره
الفرات اتعبره تگدر بس ابو السجاد
ياتاريخ هذا اليگدر ايعبره
وقع للشهاده ابدمه لجل الدين
وبو فاضل بصم باليمنه وليسره
فزت ياسيدي اوماشبه يومك يوم
اوبعد عباس اخوك اعيونه الك تبره
ترجعله الجفوف ابكل شهر عاشور
وبقدرة اله ايگوم من گبره
ياخذ جربته اويفتر على الزوار
راكب غيرته اوماراكب المهره
مايحمل بعد يلگه طفل عطشان
لان شايل ابگلبه امنلعطش جمره
ولايحمل يشوف اعيال مسبيين
لان مشهد رباب اوزينب ايحضره
اويغضب ونته تعرف لو غضب عباس
تتراجف الگاع اتگوم من حدره
عفوا سيدي ويخوني التعبير
عاجز والقلم خجلان من حبره
الشاعر بالمدح يرفع امنلممدوح
بس انته اليمدحك يرتفع قدره
__________________
وشوف الدنيه تحزن تنگلب حمره
تحد حتى الشمس تلبس اثياب الليل
تركض للكسوف اوراسهه اتطبره
ويهب الشمالي اوتلطم الاشجار
احس موكب يصير العالم اباسره
الغيمه علم والنجم سماعات
واهجس (مله باسم) علگمر يقره
ولزوار ابد ماشوفهم زوار
جنهه ادموع تجري ابوجنة الحضره
دمعنه امنلجفن مو مثل دمع احسين
غمض جفن عينه اويبجي من نحره
اولطمنه اعلى الصدر مو مثل لطم احسين
ينزف ولحوافر تلطم ابصدره
اوصفه هوه النهر وبصف نهر مطروح
روه الدنيه ابكبرهه اوماشرب گطره
الفرات اتعبره تگدر بس ابو السجاد
ياتاريخ هذا اليگدر ايعبره
وقع للشهاده ابدمه لجل الدين
وبو فاضل بصم باليمنه وليسره
فزت ياسيدي اوماشبه يومك يوم
اوبعد عباس اخوك اعيونه الك تبره
ترجعله الجفوف ابكل شهر عاشور
وبقدرة اله ايگوم من گبره
ياخذ جربته اويفتر على الزوار
راكب غيرته اوماراكب المهره
مايحمل بعد يلگه طفل عطشان
لان شايل ابگلبه امنلعطش جمره
ولايحمل يشوف اعيال مسبيين
لان مشهد رباب اوزينب ايحضره
اويغضب ونته تعرف لو غضب عباس
تتراجف الگاع اتگوم من حدره
عفوا سيدي ويخوني التعبير
عاجز والقلم خجلان من حبره
الشاعر بالمدح يرفع امنلممدوح
بس انته اليمدحك يرتفع قدره
__________________