اذا عندك تخلف حب الحسين
فقط اسم الحسين ايجدد اسلامي
واذا تعرف تريد اشلون احب حسين
اصير ابهام كلي وابصم بهامي
اسمك معجزه وبي حارت الناس
وفقط حرف (الحاء) بسمك تسهر ايامي
وذا اكتب (سين) اعله الورق مولاي
صرخ كل الورق شفته ابوجه دامي
ولان ماعدهه صدر تلطم عليك حسين
ضلت عالدفاتر تلطم اقلامي
وجي دمك مسك بي عطريت الكاع
اطب الحضرتك تتمسك اهدامي
صفه حته اليطوف ابكعبه الكرار
يتمنى دقايق يلبس احرامي
وطلب رايد طلب منك يبو السجاد
يوم الحشر انته اتوله اكرامي
صحيح امقصر وعترف والله بهاي
يالشخصك علم بيك اترفرف اعلامي
حاير بيش اوصفك كلي يامولاي
ويافكره التجيني ويكتب الهامي
جسمك ما توذر عالارض يحسين
الارض اتوذرت من طاح جسمك
لان جسمك عظيم وهزهه للكاع
خافت ماتحمله من سمعت اسمك
وياهو الكال راسك واكع اعله الكاع
صحيح الراس انته بس الوكع رسمك
لان راسك منخلق نورا على نور
شلون النور يوكع من صعد دمك
وزينب سيدي من شافت الي صار
مطشر شافتك ما تكدر اتلمك
وقميصك شافته البي وصت الزهراء
باجر شتكلهه لو شافته امك
لمت بالقميص اشويه من حسين
ودعت ربي هل قربان اخذ يمك
شلون موذر اشوفك بالله بياعين
وتمنيت ابو فاضل يرجع يعكد بحزمك
ذبت روحهه وماهمهه هذا وذاك
لمت كل كتر بي ضلت تشمك
وماماتت رقيه من العطش والله
ماتت من يزيد جي شافت ايشتمك
وسكينه العطش يعصر جبدهه الماي
زعلت عالنهر جي مارضه ايفهمك
بجه كل الفرات وزحف جوه حسين
وجف عباس شده وبي ركض ضمك
فقط اسم الحسين ايجدد اسلامي
واذا تعرف تريد اشلون احب حسين
اصير ابهام كلي وابصم بهامي
اسمك معجزه وبي حارت الناس
وفقط حرف (الحاء) بسمك تسهر ايامي
وذا اكتب (سين) اعله الورق مولاي
صرخ كل الورق شفته ابوجه دامي
ولان ماعدهه صدر تلطم عليك حسين
ضلت عالدفاتر تلطم اقلامي
وجي دمك مسك بي عطريت الكاع
اطب الحضرتك تتمسك اهدامي
صفه حته اليطوف ابكعبه الكرار
يتمنى دقايق يلبس احرامي
وطلب رايد طلب منك يبو السجاد
يوم الحشر انته اتوله اكرامي
صحيح امقصر وعترف والله بهاي
يالشخصك علم بيك اترفرف اعلامي
حاير بيش اوصفك كلي يامولاي
ويافكره التجيني ويكتب الهامي
جسمك ما توذر عالارض يحسين
الارض اتوذرت من طاح جسمك
لان جسمك عظيم وهزهه للكاع
خافت ماتحمله من سمعت اسمك
وياهو الكال راسك واكع اعله الكاع
صحيح الراس انته بس الوكع رسمك
لان راسك منخلق نورا على نور
شلون النور يوكع من صعد دمك
وزينب سيدي من شافت الي صار
مطشر شافتك ما تكدر اتلمك
وقميصك شافته البي وصت الزهراء
باجر شتكلهه لو شافته امك
لمت بالقميص اشويه من حسين
ودعت ربي هل قربان اخذ يمك
شلون موذر اشوفك بالله بياعين
وتمنيت ابو فاضل يرجع يعكد بحزمك
ذبت روحهه وماهمهه هذا وذاك
لمت كل كتر بي ضلت تشمك
وماماتت رقيه من العطش والله
ماتت من يزيد جي شافت ايشتمك
وسكينه العطش يعصر جبدهه الماي
زعلت عالنهر جي مارضه ايفهمك
بجه كل الفرات وزحف جوه حسين
وجف عباس شده وبي ركض ضمك
