زنجيل ابو ذيات
نعمه السيلاوي
انه الضحيت كل عمري منجلك
واحس بالروح فرحانه منجلك
تاليها يحش زرعي منجلك
طحت واشتيت بكانك عليه
جزه حسان بكانات شتيت
والعكلي يغادي الجده شتيت
انه بجلدي بسبب عملتك شتيت
واعظامي تون كلها عليه
يون من عملتك عظمي بجلده
اوجعني الوكت كاصي بجلده
كلبي اعله الصبر دومي بجلده
ولهمنه الصبر بثنين اديه
بديه والهموم اعليه حالن
ولامره الليالي وياي حالن
اليراني يكول حالي خوش حالن
مايدري بعذاب الحال بيه
مايدري بعذابي وكثر بلواي
ولا طافي الكلب بالنار بلواي
وحيد وصابر ومشدوه بلواي
دويت ومالحك فزاع اليه
دويت وناري بالدلال بينه
واذا عندك سبب مضموم بينه
يبو جويات حيل اوجرن بينه
وكلامك كله صار بسوء نيه
الحجي كله الحجيته ساءالاني
وعدد مرات كلبي ساء الاني
شتظن اوكف ابابك ساءالاني
وانه بابك بنيته بذني اديه